The F Words: Freeman, Feminist, Family

Busy pa rin. Huling travel ko na yung sa Bora. Defense ko na sa Lunes. Tuloy pa rin sa paggawa ng year-end report.

Hindi na ako nakapunta sa Eheads concert. Dati, life-and-death situation yun para sa akin. Kahit nga P10,000 na tiket papatusin ko. Pero sabi nga sa artikulo ni Sir Roland, wag nang buhayin ang patay. Huling El Bimbo na. Pati si Freeman yumao na. Andaming symbolism ng aking first love, hehe.

Noong Martes, sumali ako sa isang talakayan tungkol sa "intimate relationships" at "family life". Ang iba pang kasali ay kapwa feminista. Sa unang tingin, ang pagpapakahulugan ko ng intimate ay yung may sekswal na relasyon. Sumasang-ayon din ako dun sa isa na usapin iyon ng "property". Ito rin ay may "mutuality" at "reciprocity". Hirit ko pa, potentially exploitative din ito dahil di ba nga ay merong nangyayaring karahasan sa loob ng isang "intimate relationship"? Sabi naman nung isa, hindi lang ito patungkol sa opposite sex o sa same sex na mayroon kang romantikong relasyon. Pwede rin ito sa mga kaibigan o kamag-anak.

Tungkol naman sa terminong pamilya, lahat ay suumasang-ayon na ang bumubuo ng pamilya ay hindi lamang nanay, tatay at mga anak. May pagkilala sa diversity ng pamilya. Mayroong kasal, mayroong nagsasama, mayroong couples na walang anak, mayroong same-sex couples (may ampon, me anak o wala). Gayunpaman, mayroon pa ring pressure sa lipunan na panatilihin ang tinatawag nilang tradisyunal na pamilya. Ito ay napapamalas sa eskwelahan. Pag tinanong ni teacher yung bata kung sinu-sino ang bumubuo ng pamilya, ang inaasahan nyang sagot ay nanay, tatay, ate, kuya (isama na rin ang aso). Hindi rin tinatanggap ang illegitimate children sa Catholic schools.

Naku, mahaba-habang paliwanagan ito ke Habagat.

Nasa huling trimester na ako ng pagbubuntis. Ang likot na nya lalo. Bumalik na naman ang pagiging antukin ko. Sa isang linggo, mamimili na kami ng gamit nya. Basta hindi blue ang kulay.

Wala pa kaming napagdedesisyunan na pangalan. Me mga nailista na naman ako.

Mayel in the house! Buo na naman ang Matronix.