Summer 2009

Huling araw ko ngayon sa opisina. Syempre, tinapos ko na ang mga dapat kong tapusin. Okay naman ang performance appraisal ko kanina.

Tumutuntong na ako sa 36 weeks. Kabado na nga ako. Masakit atang manganak. Sobrang likot ni Habagat. Umaalon-alon sa tiyan ko. Natatakot nga ako ayaw kong tingnan e. Syempre excited na rin kasi malapit nang lumabas.

Official name: Dylan Emmanuel. Last week ko lang naisip yung Dylan. Ayon sa aking pananaliksik, nagmula ito sa salitang Welsh na ibig sabihin ay son of the sea. Anak-dagat, hehe. Popular personalities with the name Dylan: Dylan Thomas and Bob Dylan. Syempre si Dylan Thomas yung sumulat nung tula na Do not go gentle into that night. Si Bob Dylan ay yung musikero. Aprub din ke Tay. Me Dylan din pala na bida sa Flame of Recca.

Emmanuel naman, sunod sa pangalan ni Tay. Pwede ring aktibista, si Emmanuel Lacaba. Saka yung biblical meaning nito. Pero sorry Tay, kahit ayaw mo, Habagat na talaga ang palayaw nya. Ahaha! Apelyido na lang ang pagdedesisyunan.

Another blessing: Tinawagan ako ni Ma'am Inday kahapon. Pumunta raw ako sa graduation kasi me best thesis award ako. Tambling! Hindi na nga sana ako magmamartsa kasi susunduin na ako sa linggo. E na-excite ako. Andito na ang Mama at si Tales. Bibili kami ng susuutin ko bukas.

Pagkatapos ng grad, home sweet home. Uuwi rin si Utol.

Andaming blessings. Salamat, salamat.

Samantala, pinawalang sala si Daniel Smith ng Court of Appeals kahapon. Nakakainis yung pagkakasulat ng desisyon. Ano ba? Jurassic pa rin ang pagtingin nyo sa mga babae. Saka wala e, me greater force at work, US-RP economic and military relations.

Sana matuto na tayo sa kasaysayan. Tuloy pa rin ang laban!