Dear Shirley

Dear Shirley,

Kumusta yung desisyon mo na mapaloob sa isang "intimate relationship"?

Simang

--------


Dear Simang,

Yung desisyon ko na magsama kami, sa ngayon siguro nasa stage rin na sweet-sweetan pa lang kayo. He takes care of you, I take care of him, ganoon. Pero may realidad din na struggle pa rin siya araw-araw eh. Pero it can be positive or negative, di ba? At saka yung realization na hindi forever yung inyong relasyon. At saka depende rin pala iyon hindi lang sa akin kundi sa kanya. Kasi kung hindi siya naging persistent din na maging together kami, hindi rin magwo-work. Kasi may mga times na parang ako yung mas nape-pressure kaysa sa kanya, na ako yung gustong makipaghiwalay.

Tapos, may economic aspect din pala iyan. Kasi kung nagkataon na wala siyang trabaho, parang magdadalawang-isip ako kung magsasama kami. Kasi syempre, ako, kare-resign ko lang noon, tapos naghahanap din ako ng work, tapos nabuntis ako. Kung dadagdag pa siya na wala siyang trabaho, syempre mapapaisip ka kung talagang magsasama kayo eh.

At saka mahalaga rin, hindi talaga ako sobrang focused sa relationship. Kasi name-maintain ko yung independence ko while in a relationship. Hindi lang iyon yung concern ko. Kung baga, marami pa ring aspeto ang buhay ko. Nagte-thesis ako, maganda yung work ko ngayon. Yung relationship ko at saka yung ako bilang ako, yung pagkatao ko, parang mas malawak pa rin yung ginagalawan ko kung baga. Parang aspeto lang siya, pero mahalaga pa rin sa akin.

Shirley

(March 10, 2009)